اتصال هاتفي!!!

أبو تركي: هلا يا أبو سعد… كيف حالك؟؟

أبو سعد: هلا بأبو تركي… الحمد لله إحنا بخير ونعمة… كيفك يا طويل العمر؟؟

أبو تركي: نحمد الله بس وينك إنت إلحين؟؟ يا أخي تراك طولت علينا!!

أبو سعد: والله تعرف أنا في شهر عسل وحالياً في الرياض…

أبو تركي: يا أخي مبروك وألف مبروك… بس ليش ما عزمتني؟؟… بس كأنها سنة… تعال بس وخلك من الرياض… ترى ما فيها زي اللي عندنا…

أبو سعد: الله يبارك فيك طال عمرك… والله أنا عارف مشاغلك كثير وقلت ما أبغى أزعجك… وأكيد يا طويل العمر ما في الرياض أحد مثلك :mrgreen:

أبو تركي: الله يخليك لي يا أبو سعد 😳

أبو سعد: بس إن شاء الله الوضع كله تمام عندكم؟؟… تعرفني طال عمرك أنا ماني أحب الزحمة…

أبو تركي: عاد قول لأهل الرياض اللي تقول ما كأنهم شافوا خير وكل شوي ناطين عندنا وعافسين الوضع هنا…

أبو سعد: الشكوة لله 😕

أبو تركي: يا أخي تعال إنت بس ترانا محترينك من يوم بدأ الصيف والناس هنا أقلقتني تبي تسوي مهرجانات وألعاب نارية وفعاليات… وأنا طلقت وقلت لهم ما فيه شيء يصير لين يكون أبو سعد هو اللي يقص الشريط…

أبو سعد: عاد ما شفت إلا وقت شهر العسل حقي طال عمرك حتى تورطني في هالشغلة؟؟

أبو تركي: كم أبو سعد عندنا أصلاً… وبعدين أنا مصرّ على الموضوع هذا علشان إنك تزوجت… مرة وحدة نخليها إحتفال بزواجك…

أبو سعد: إذا كان كذا والله ما أردك يا طويل العمر 😳

أبو تركي: إيه كذا أبغاك يا حبي لك 😀

أبو سعد: بس أنا من فترة كنت أبغى أسألك عن بعض الأمور… وزين إنك فتحت مجال لي علشان أصارحك فيها…

أبو تركي: وش دعوة يا أبو سعد!!… إنت عزيز وغالي… ولا يردك إلا لسانك حبيبي…

أبو سعد: أحرجتني يا طويل العمر بكرمك ولطفك معي 😳

بس فيه بعض الناس تتكلم عنك… وأنا حبيت إني أوصلك هالكلام وأسمع الرد منك علشان أقولهم ردك عليهم…

أبو تركي: أيش يقولون؟؟

أبو سعد: يقولون إنك والعياذ بالله مهمل المنطقة ومتفرغ لتجارتك… ويقولون إن بعض التجار متضررين من وكلاء لك يجبرونهم بأسمك على مشاركتهم تجارتهم بالاسم… وإنهم إذا رفضوا راح تتوقف تجارتهم ومشاريعهم إلين ينصاعوا للمشاركة… فما ردكم يا طويل العمر؟؟

أبو تركي: شوف يا أبو سعد… إنت تسمع الكلام هذا ولا شفت أي وثائق أو كنت طرف في الموضوع… صح وإلا لا؟؟

أبو سعد: الشهادة ما لي صلاح في أي شيء ولا شفت وثائق ولا هم يحزنون… بس سمعت من الناس!!…

أبو تركي: علشان تعرف إن أعداء النجاح كثيرين… ولا أعتقد واحد مثلك في ذكائك يفوته مثل هذا الشيء…

أبو سعد: معاك حق طال عمرك… بس فيه شغله حبيت إني أنقلها لك من واقع تجربة ولا أعرف لها تفسير…

أبو تركي: كلي أذان صاغية… قول وش عندك؟؟

أبو سعد: المنطقة وبحكم ولادتي وترعرعي فيها… أرى إن كثير من المشاريع والطرق والمستشفيات والمباني الحكومية الموجودة حالياً عمرها أكثر من 20 سنة لم يتغير فيها شيء ولم يتم زيادتها رغم زيادة عدد السكان فيها بشكل كبير… وأيضاً الحاجة الماسة لزيادة عدد الجامعات في المنطقة فجامعتين لا تكفي أبداً… وأيضاً الحاجة الماسة لعدد كبير من الوحدات السكنية حتى أن عمائر الإسكان في المنطقة أصبحت مكتظة بالسكان ولا يوجد تشجيع من الدولة للمستثمرين العقارين من حيث تقديم تسهيلات ودعم لوجستي ومادي لهم… وأيضاً وجود فقراء في المنطقة لم يتم حصرهم وتقديم المساعدات لهم… وهناك أيضاً كل يوم أرى بعض المرضى النفسيين في الشوارع يتجولون بدون أن يلتفت لهم أو يتم إيوائهم في المصحات النفسية… وأيضاً زادت نسبة تعاطي المخدرات والمسكرات ولا يوجد معالجة لها من قبل المسئولين في الأجهزة المعنية…

أبو تركي: شوف… إنت تتكلم عن أشياء ما لي علاقة بها بشكل مباشر… وأي حاجة قلتها ترى فيه وزير مسئول عنها بشكل مباشر… روح إسأله هو حسب تخصصه…

أبو سعد: معاك كل الحق… فالوزراء هم المسؤلين عن كل هالمشاكل…

أبو تركي: وأنا ليش أصلاً أحبك؟؟ 😀

أبوسعد: على العموم أنا جاي اليوم إن شاء الله… كله علشانك يا باشا 😀