قولوا لأبو متعب ترى الشعب مقهور…
أرسل لي أحد الأصدقاء شعراً جميلاً على بريدي ولم أعرف اسم الشاعر… فأرجو من يعرفه أن يذكر لي اسمه… لأدعكم مع أبيات الشعر…
قولوا لأبو متعب ترى الشعب مقهـور *** ياخـادم البيتيـن امسـك عصـاهـا
ضاعت فلوس الناس مع كـل هامـور *** ومثلك يعرف البير ويعـرف غطاهـا
من سي لاسوأ وبين عاثـر ومعثـور *** وسهمك وهو سهمك رموه بخلاهـا !!
كيف اشكي العله علـى كـل دكتـور *** والطب عندك وانـت تعـرف دواهـا
ماخافـو الله خالـق النـار والـنـور *** حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور *** ضاقت علي دنيـاي وسكـر فضاهـا
سوقك بلون الـدم باسبـاب مغـرور *** يضغط علـى سابـك وكسـر يداهـا
في عشر اواخر نرجي الذنب مغفـور *** قامـوا علينـا قومـة ٍ مـا وراهــا
واعمار صارت دمهـا اليـوم منثـور *** وخاب الرجاء باعمار واللـي رجاهـا
ياما بنينـا فوقهـا ابـراج وقصـور *** وراحت سدى والسوق دحـدر معاهـا
كم شاب قال ابغى اتزوج مـن الحـور *** وافلس وبيره جف مـا شـاف ماهـا
وكم راعي أسره أصبح الصبح مفقور *** العيـد بكـره واسرتـه مـا كساهـا
وقمت اتفكر وادرس الـراي والشـور *** قلت ازبن لصقر العروبـه.. ذراهـا
بكلمه تجي من عنده اليـوم مسـرور *** والسوق يرجع عشب يـروي ظماهـا
يادرعنا لا صـار بالكـون عاصـور *** كم صرخـة ٍ للنـاس تسمـع صداهـا
يالحر.. يابن الحر.. والحر مخبور *** قاد الحـرار الشامخـه فـي سماهـا
ما يلحقك يا سيـدي شـك وقصـور *** لكـن رسالـه ياصـلـك محتـواهـا
انـك ابونـا والرجـا فيـك موفـور *** عدلـك شمـل كـل الديـار وغشاهـا
جوني يعزوني على السـوق ماجـور *** قلـت البقـا بالشيـخ يطفـي لظاهـا
ويرد لون السوق عشبـي ويخضـور *** مثـل علـم دار السعـود وصفـاهـا
خيرك عميم وشاكر النـاس مشكـور *** ومـزن الحيـا عـم البـلاد وسقاهـا
انت الرجا بعد الولـي تدفـع الجـور *** واسلم عساك تـدوم وتحمـي حماهـا
و الله الأسهم شفطتنا شفط
الله يسامح إللي كان السبب ودعوة المظلوم مستجابه
الشعر رائع والله يحفظلنا أبو متعب
esraa.$
14 نوفمبر 06 في 11:10 م
القصيدة جميلة ..
و الوضع لن يتغير ..
فالوطن العربي كله قائم على ( تغيير قوانين اللعبة ) في أي لحظة ..
حطوا فلوسكم تحت مخداتكم و ناموا عليها و أتغطوا كويس ..
بندر
15 نوفمبر 06 في 7:08 م
قصيدة جميلة تعبر عن غبن كبير
لفت انتباهي سوآل وجوابا الاستفتاء في اعلى الصفحة. فالسوآل غريب وجميل والاجابة عليه ممتعة.
اللافت للنظر ان الاكثرية اختارت الدكتور عائض رفيقا لها وهذا عجيب. فالشيخ عائض حفظه الله تستطيع ان تلتقيه بسهولة وربما تستطيع ان تذهب معه في رحلة, وليس هذا بمعضل. وصحيح ان الفائدة من الشيخ عائض كبيرة وستنهل منه كثيرا. الا ان السفر مع ابو متعب اكثر فائدة.السنا دائما ما نقول المشكلة في البطانة؟ ها قد جاءت لبعضكم الفرصة لتصحيح الوضع فتركتموها.
سنمار
16 نوفمبر 06 في 1:18 ص
لا أهتم بالشعر كثيراً أبو سعد ولكن ظننت أن الشاعر ليس من الحجاز حتى قرأت بعض المفردات مثل دحدر و أبغى فلا أستطيع حتى أن أعرف لأي منطقة ينتمي!!؟
فيصل
16 نوفمبر 06 في 3:05 ص
esraa.$
اللهم آمين!!
بندر
يا ليت تسوي لنا بنك أحسن من الموجود… وكلنا راح نحط فلوسنا عندك… بس هاه… لا تاخذها وتشرد
سنمار
فكرتك وصلت… وأشكرك على الإطراء
فيصل
أخبار الجنوب معاك أيش؟؟… ومعرفة اسم الشاعر يقولون عليه جائزه 1000 سهم في المواشي
تحياتي؛؛؛
أبو سعد
16 نوفمبر 06 في 7:26 م
أبا سعد ..
مليارات البورصة الوهمية اخذها عفريت لا قبل للحكومة به .. وطار !
الله يخلف على المسلمين .
علوش
17 نوفمبر 06 في 9:36 م
والله أخبار الجنوب ماشي معاي ترا بكرة السبت في الليل طالع الرياض وراجع ثاني يوم إن شالله وبكمل جولتي في الجنوب بعد ماأرجع جدة والله أحس إني في حفلة….
من جد حفلة
أقول الله المستعان…
فيصل
17 نوفمبر 06 في 11:59 م
علوش بيك
ما تحاول تشوف لنا واسطة عند هالعفريت يوظفني مساعد عفريت
فيصل
شكلك بتصير سفير النوايا الحسنة وهم جالسين يدربونك عليها :)… إبسط يا عم
تحياتي؛؛؛
أبو سعد
18 نوفمبر 06 في 8:55 ص
حللللوة سفير النوايا الحسنة أجل يسافرون كثير
هاهاها
فيصل
24 نوفمبر 06 في 12:40 ص